‏ 1 Chronicles 8

1BEnJamin aber zeuget Bela ſeinen erſten Son / Aſbal den andern / Ahrah den dritten / 2Noha den vierden / Rapha den fünfften. 3Vnd Bela hatte kinder / Addar / Gera / Abihud / 4Abiſua / Naeman / Ahoah / 5Gera / Sphuphan vnd Huram. ^a 6DJs ſind die kinder Ehud / die da Heubter waren der Veter vnter den bürgern zu Geba. Vnd zogen weg gen Mahanath / 7nemlich / Naeman / Ahia vnd Gera / derſelb fürt ſie weg / vnd er zeuget Vſa vnd Ahihud. 8Vnd Seharaim zeuget im lande Moab (da er jene von ſich gelaſſen hatte) von Huſim vnd Baera ſeinen weibern. 9Vnd er zeuget von Hodes ſeinem weibe / Jobab / Zibja / Meſa / Malcham / 10Jeuz / Sachja / vnd Mirma. Das ſind ſeine kinder / Heubter der Veter. 11Von Huſim aber zeuget er Abitob vnd Elpaal. 12Die kinder aber Elpaal waren / Eber / Miſeam vnd Samed. Derſelb bawet Ono / vnd Lod vnd jre töchter. 13Vnd Bria vnd Sama waren Heubter der Veter / vnter den bürgern zu Aialon / Sie veriagten die zu Gath. 14Sein bruder aber / Saſak / Jeremoth / 15Sebadia / Arad / Ader / 16Michael / Jeſpa / vnd Joha / Das ſind kinder Bria. 17Sebadja / Meſullam / Hiſki / Heber / 18Jeſinerai / Jeſlia / Jobab / Das ſind kinder Elpaal. 19Jakim / Sichri / Sabdi / 20Elioenai / Zilthai / Eliel / 21Adaia / Braia vnd Simrath / Das ſind die kinder Simei. 22Jeſpan / Eber / Eliel / 23Abdon / Sichri / Hanan / 24Hananja / Elam / Anthothja / 25Jephdeja vnd Pnuel / Das ſind die kinder Saſak. 26Samſerai / Seharja / Athalja / 27Jaereſja / Elia vnd Sichri / Das ſind kinder Jeroham / 28Das ſind die Heubter der Veter jrer geſchlechten / die woneten zu Jeruſalem. 29ABer zu Gibeon woneten / der vater Gibeon / vnd ſein Weib hies Maecha / 30vnd ſein erſter ſon war Abdon / Zur / Kis / Baal / Nadab / 31Gedor / Ahio vnd Secher. 32Mikloth aber zeuget Simea / vnd ſie woneten gegen jren Brüdern zu Jeruſalem mit jnen. Jnf. 9.; ^b 33NEr zeuget Kis / Kis zeuget Saul. Saul zeuget Jonathan / Melchiſua / Abinadab vnd Eſbaal. 34Der ſon aber Jonathan war Meribaal. Meribaal zeuget Micha. 35Die kinder Micha waren Pithon / Melech / Thaerea vnd Ahas. 36Ahas aber zeuget Joadda. Joadda zeuget Alemeth / Aſmaueth vnd Simri. Simri zeuget Moza. 37Moza zeuget Binea / des ſon war Rapha / des ſon war Eleaſa / des ſon war Azel. 38Azel aber hatte ſechs Söne die hieſſen / Eſrikam / Bochru / Jeſmael / Searja / Abadja / Hanan / die waren alle ſöne Azel. 39Die kinder Eſek ſeines bruders waren / Vlam ſein erſter ſon / Jeus der ander / Elipelet der dritte. 40Die kinder aber Vlam waren gewaltige Leute / vnd geſchickt mit Bogen / vnd hatten viel Söne vnd ſons ſöne / hundert vnd funffzig / Die ſind alle von den kindern BenJamin.