Gen 5 | GerLut1545lh | e4.org | D JS iſt das Buch von des Menſchen geſchlecht / Da Gott den Menſchen ſchuff / machet er jn nach dem gleichnis Gottes /

‏ Genesis 5

1 DJS iſt das Buch von des Menſchen geſchlecht / Da Gott den Menſchen ſchuff / machet er jn nach dem gleichnis Gottes / 2 Vnd ſchuff ſie ein Menlin vnd Frewlin / vnd ſegenet ſie / vnd hies jren namen Menſch / zur zeit da ſie geſchaffen wurden. 3 VND Adam war hundert vnd dreiſſig jar alt / vnd zeuget einen Son / der ſeinem Bild ehnlich war / vnd hies jn Seth. 4 Vnd lebet darnach acht hundert jar / vnd zeuget Söne vnd Töchtere / 5 Das ſein gantzes Alter ward neunhundert vnd dreiſſig jar / Vnd ſtarb. ^a 6 SEth war hundert vnd funff jar alt / vnd zeuget Enos. 7 Vnd lebet darnach acht hundert vnd ſieben jar / vnd zeuget Söne vnd Töchtere / 8 Das ſein gantzes Alter ward neunhundert vnd zwelff jar / Vnd ſtarb. 9 ENos war neunzig jar alt / vnd zeuget Kenan. 10 Vnd lebet darnach acht hundert vnd funffzehen jar / vnd zeuget Söne vnd Töchtere / 11 Das ſein gantzes Alter ward neun hundert vnd funff jar / Vnd ſtarb. 12 KEnan war ſiebenzig jar alt / vnd zeuget Mahalaleel. 13 Vnd lebet darnach acht hundert vnd vierzig jar / vnd zeuget Söne vnd Töchtere / 14 Das ſein gantzes Alter ward / neunhundert vnd zehen jar / Vnd ſtarb. 15 MAhalaleel war funff vnd ſechzig jar alt / vnd zeuget Jared. 16 Vnd lebet darnach acht hundert vnd dreiſſig jar / vnd zeuget Söne vnd Töchtere / 17 Das ſein gantzes Alter ward / acht hundert funff vnd neunzig jar / Vnd ſtarb. 18 JAred war hundert vnd zwey vnd ſechzig jar alt / vnd zeuget Henoch. 19 Vnd lebet darnach acht hundert jar / vnd zeuget Söne vnd Töchtere / 20 Das ſein gantzes Alter ward / neunhundert zwey vnd ſechzig jar / Vnd ſtarb. 21 HEnoch war funff vnd ſechzig jar alt / vnd zeuget Methuſalah. 22 Vnd nach dem er Methuſalah gezeuget hatte / bleib er in eim göttlichen Leben ^{▼▼Das iſt / Er wird mit Gottes wort fur andern vleiſſig vmbgangen / vnd ein Prophet geweſt ſein / der allenthalben den leuten Gottes furcht gepredigt / vnd die ſtraffe (ſo die Sindflut hernach thet) verkündigt / vnd viel drüber gelidden vnd gethan hat.} drey hundert jar / vnd zeuget Söne vnd Töchtere / 23 Das ſein gantzes Alter ward / drey hundert funff vnd ſechzig jar. 24 Vnd die weil er ein göttlich Leben führet / nam jn Gott hin weg / vnd ward nicht mehr geſehen. ^c 25 MEthuſalah war hundert ſieben vnd achzig jar alt / vnd zeuget Lamech. 26 Vnd lebet darnach ſieben hundert zwey vnd achzig jar / vnd zeuget Söne vnd Töchtere / 27 Das ſein gantzes Alter ward / neunhundert neun vnd ſechzig jar / Vnd ſtarb. 28 LAmech war hundert zwey vnd achzig jar alt / vnd zeuget einen Son / 29 vnd hies jn Noah / vnd ſprach / Der wird vns tröſten in vnſer mühe vnd erbeit auff Erden / die der HERR verflucht hat. 30 Darnach lebet er funffhundert funff vnd neunzig jar / vnd zeuget Söne vnd Töchtere / 31 Das ſein gantzes Alter ward / ſieben hundert ſieben vnd ſiebenzig jar / Vnd ſtarb. 32 NOah war funff hundert jar alt / vnd zeuget Sem / Ham vnd Japheth.